حیدرآباد تعلیمی بورڈ کی جانب سےگیمز کے انعقاد سے طلبہ وطالبات میں کھلیوں سے رغبت و حوصلہ افزائی ہو گی حماد رضوان
حیدرآباد(گردوپیش آل پاکستان متحدہ اسٹوڈنٹس آرگنائزیشن حیدرآباد سیکٹر کے انچارج حماد رضوان و اراکین سیکٹر کمیٹی نے حیدرآباد تعلیمی بورڈ کی جانب سے انٹر کالیجیٹ ٹورنامنٹس کے جلد انعقاد کے اعلان کا خیر مقدم کرتے ہوئے کہا کہ حیدرآباد تعلیمی بورڈ کی جانب سے گیمز کے انعقاد سے طلبہ و طالبات میں کھلیوں سے رغبت و حوصلہ افزائی ہو گی حیدرآباد و قرب و جوار میں کافی عرصہ سے کھلیوں کی سرگرمیاں مفقود ہیں حیدرآباد تعلیمی بورڈ کی جانب سے احسن اقدام ہے اے پی ایم ایس او حیدرآباد سیکٹر انچارج حماد رضوان و اراکین سیکٹر کمیٹی نے امید ظاہر کی کہ تعلیمی بورڈ کی جانب سے کھیلوں کے مقابلوں کے لئے کھلاڑی طلبہ و طالبات کو مناسب سہولیات فراہم کی جائیں گی اور میرٹ کو ترجیح دی جائے گی
