حیدرآباد گردو پیش نیوز ڈیسک بلوچستان میں آپریشن کیپٹن سمیت سمیت پانچ جوان شہید

حیدرآباد گردو پیش نیوز ڈیسک پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز کے خفیہ اطلاعات کی بنیاد پر بلوچستان میں سرچ آپریشن کے دوران بارودی سرنگ پھٹنے سے کیپٹن سمیت پانچ سیکیورٹی اہلکار شہید ہوگئے.
آئی ایس پی آر کے مطابق بلوچستان کے ضلع کوہلو کے علاقے کاہان میں خفیہ اطلاعات پر کلیئرنس آپریشن کے دوران بارودی سرنگ کا دھماکا ہوگیا۔
آئی ایس پی آر نے بتایا کہ بارودی سرنگ کے دھماکے میں ایک افسر اور 4 فوجی جوان شہید ہوگئے۔
آئی ایس پی آر کا کہنا ہے کہ شہدا میں کیپٹن فہد، لانس نائیک امتیاز، سپاہی اصغر، سپاہی مہران اور سپاہی شمعون شامل ہیں۔
پاک فوج کے شعبہ تعلقات عامہ کے مطابق دشمن عناصرکی بزدلانہ کارروائیاں بلوچستان کے امن اور خوشحالی کوسبوتاژ نہیں کرسکتیں، سکیورٹی فورسز ہر قیمت پر دشمن کے مذموم عزائم کو ناکام بنانے کیلئے پرعزم ہیں۔
دوسری جانب لیویز حکام نے بتایا کہ دھماکے میں 6 افراد زخمی ہوئے جنہیں اسپتال منتقل کردیا گیا جبکہ 5 زخمیوں کی حالت تشوشناک ہے۔
واقعے کے بعد قانون نافذ کرے والے اداروں کے اہلکار موقع پر پہنچ گئے اور علاقے کو گھیرے میں لے لیا۔