عمران خان کا طبی معائنہ کرنے کے لیے طبی ٹیم اڈیالہ جیل پہنچ گئی,

راولپنڈی(گردو پیش)پاکستان تحریک انصاف (پی ٹی آئی) کے بانی عمران خان کا طبی معائنہ کرنے کے لیے ڈاکٹروں اور پیرامیڈیکل عملے کی ایک ٹیم اڈیالہ جیل پہنچ گئی ہے۔
ذرائع کے مطابق، طبی ٹیم میں الشفاء ٹرسٹ آئی ہسپتال اور پاکستان انسٹی ٹیوٹ آف میڈیکل سائنسز (پمز) کے ڈاکٹر اور پیرامیڈیکل عملہ شامل ہے۔اس ٹیم کی سربراہی پمز کے ڈاکٹر عارف خان کر رہے ہیں٫
ذرائع کا کہنا ہے کہ عمران خان کا جیل کے اندر ہی تفصیلی طبی معائنہ کیا جائے گا۔ اس معائنے میں ان کے بلڈ پریشر، کولیسٹرول اور بینائی کی جانچ شامل ہوگی۔
طبی ٹیم جدید طبی آلات کے ساتھ اڈیالہ جیل پہنچی ہے اور معائنہ جیل ہی میں کیا جائےگا،