شہریوں کا تحفظ ریاست کی اولین ذمہ داری ہے‘وزیرداخلہ

حیدرآباد(گردوپیش ویب ڈیسک : نگران وزیر داخلہ ڈاکٹر گوہر اعجاز نے کہا ہے کہ شہریوں کا تحفظ ریاست کی اولین ذمہ داری ہے‘انتخابات کے دوران امن وامان کیلئے تمام وسائل بروئے کار لائیں گے۔
نگران وزیر داخلہ ڈاکٹر گوہر اعجاز نے نیشنل ایکشن پلان سیکرٹریٹ کا دورہ کیا، کوآرڈینیٹر نیشنل ایکشن پلان کی جانب سے مختلف امور پر تفصیلی بریفنگ دی گئی۔
ڈاکٹر گوہر اعجاز نے اظہار خیال کرتے ہوئے کہا کہ تمام شہریوں کا تحفظ ریاست کی اولین ذمہ داری ہے، مربوط حکمت عملی اور باہمی تعاون سے ہی امن و امان کی صورتحال کو یقینی بنایا جا سکتاہے۔
انہوں نے کہا کہ انتخابات کے دوران امن وامان اور سکیورٹی کو یقینی بنانے کیلئے تمام وسائل کو بروئے کار لایا جائے گا اور غیر ملکیوں کو بھی فول پروف سکیورٹی دینے کے ساتھ ضابطہ اخلاق میں مزید بہتری لائی جائے گی۔